Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 57.28 | Dem. 57.31 (English) | >>Dem. 57.34 |
57.30τοῖς χρόνοις τοίνυν οὕτω φαίνεται γεγονὼς ὥστε , εἰ καὶ κατὰ θάτερʼ ἀστὸς ἦν , εἶναι πολίτην προσήκειν αὐτόν · γέγονε γὰρ πρὸ Εὐκλείδου . περὶ δὲ τῆς μητρὸς (καὶ γὰρ ταύτην διαβεβλήκασί μου ) λέξω , καὶ μάρτυρας ὧν ἂν λέγω , καλῶ . καίτοι , ὦ ἄνδρες Ἀθηναῖοι , οὐ μόνον παρὰ τὸ ψήφισμα τὰ περὶ τὴν ἀγορὰν διέβαλλεν ἡμᾶς Εὐβουλίδης , ἀλλὰ καὶ παρὰ τοὺς νόμους , οἳ κελεύουσιν ἔνοχον εἶναι τῇ κακηγορίᾳ τὸν τὴν ἐργασίαν τὴν ἐν τῇ ἀγορᾷ ἢ τῶν πολιτῶν ἢ τῶν πολιτίδων ὀνειδίζοντά τινι .
57.31ἡμεῖς δʼ ὁμολογοῦμεν καὶ ταινίας πωλεῖν καὶ ζῆν οὐχ ὅντινα τρόπον βουλόμεθα . καὶ εἴ σοί ἐστιν τοῦτο σημεῖον , ὦ Εὐβουλίδη , τοῦ μὴ Ἀθηναίους εἶναι ἡμᾶς , ἐγώ σοι τούτου ὅλως τοὐναντίον ἐπιδείξω , ὅτι οὐκ ἔξεστιν ξένῳ ἐν τῇ ἀγορᾷ ἐργάζεσθαι . καί μοι λαβὼν ἀνάγνωθι πρῶτον τὸν Σόλωνος νόμον .λαβὲ δὴ καὶ τὸν Ἀριστοφῶντος · οὕτω γάρ , ὦ ἄνδρες Ἀθηναῖοι , τοῦτον ἔδοξεν ἐκεῖνος καλῶς καὶ δημοτικῶς νομοθετῆσαι , ὥστʼ ἐψηφίσασθε πάλιν ἀνανεώσασθαι .
Νόμος
57.32
Νόμος
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 57.28 | Dem. 57.31 (English) | >>Dem. 57.34 |